“Байаҕантай” общественнай киин

Планерка сонуннара

Бэс ыйын 9 күнэ, бэнидиэнньик

-Бу нэдиэлэҕэ быһыт оҥоһуллар, уу үөһэттэн киллэрэ сытар, онон үрэхпит туолан мантан сайын оҕуруотчуттар ууланыахтара.

— Бэс ыйын 6 күнүгэр Манчаары оонньууларын үөрүүлээх аһыллыытын уонна сабыллыытын туруорар режиссерскай группа кэлэн мунньах тэрийдэ, култуурунай программа ис хоһоонун кэпсээтэ,  улахан тэрээһиҥҥэ көхтөөх кыттыыны ылан ситиһиилээхтик ааһарыгар көмөлөһөргө ыҥырда. Хас биирдии нэһилиэктэн массовкаҕа кыттарга 50 кыттааччы ирдэнэр эбит.Биир дойдулаахпыт, артыыс, продюсер Иннокентий Луковцев бу тэрээһиҥҥэ режиссер быһыытынан үлэлиир.

-Бэс ыйын 7 күнүгэр олоҥхо балаҕаныгар Татьяна Куличкина –Дедюкина – Татыйаас “Сайар санаам саламата” кинигэтин биһирэмэ буолан ааста. Бу туһунан библиотека сайтыгар, телеграм каналыгар сиһилии сырдатылынна.

-Бэс 7- 8 күннэригэр Мандар Уус туһунан документальнай киинэ уһуллуута саҕаланна, устар бөлөх нэһилиэнньэни кытта көрүстэ, сүбэ-соргу ыла дьон санаатын иһиттэ, былаан быһыытынан икки күн үлэлээн барда. Киинэни устууну “Пути великих свершений” бырайыак салайааччыта Г.Д.Никонов сүрүннүүр.

-Улуу Кыайыы 80 сылыгар  аналлаах  нэһилиэк ыһыаҕа бэс ыйын 18 күнүгэр былааннанар. Спортка күрэхтэһии улахан дьон тэҥэ быйыл оскуола оҕолоругар эмиэ ыытыллыаҕа, култуура, спорт күрэстэригэр балаһыанньа  оҥоһуллан тарҕаныа.