“Байаҕантай” информационнай киин

Планерка сонуннара

Ыам ыйын 26 күнэ, бэнидиэнньик

-Ыам ыйын 20 күнүгэр нэһилиэккэ туризмы сайыннарыыга сүбэ мунньах буолла. Турмаршрутка  угуйар видеороликтары, прейскураннары оҥорууга эппиэттээх “Тускун” киин директора Д.Д.Апросимов.

— Оҕо искусствотын оскуолатын отчуоттуур кэнсиэрин киэһэтэ таһымнаахтык ааста. Саҥа үҥкүүлэр, ырыалар, дьүһүйүүлэр, муода студията, фольклор, музыка нүөмэрдэрэ,  уруһуйдьут, уран тарбахтаах оҕолор оҥоһуктара дьон болҕомтотун тарта, кэрэхсэннэ.

-Ыам ыйын 22 күнүгэр педагогическай үлэ бэтэрээнэ, Таатта улууһун бочуоттаах гражданина К.А.Андросова аатынан  уус-уран ааҕыы күрэһэ  XXI төгүлүн алын сүһүөх кылаастарга ыытылынна.

-Нэһилиэк депутаттарын Сэбиэтигэр праймеризка  түөлбэлэринэн 12 кандидат турда: “Илин: Э.В.Петрова, О.А.Иванова, П.Е.Попов; “Сайдыы”: К.К.Мандаров, Д.Д.Апросимов, А.В.Хатылаев; “Томтор”: В.С.Андросов, И.И.Слепцов, Дь.И.Романов; “Арҕаа”: М.В.Неустроева, Е.Т.Васильев, П.П.Андросов.

— Ыам ыйын 24 күнүгэр оскуоланы бүтэрээччилэргэ  Тиһэх  чуораан чугдаарда. Быйыл Баайаҕа орто оскуолатын 5 үөрэнээччи бүтэрэр. Андросовтар учуутал династияларын үгэс буолбут стипендияларын история учуутала Ф.Г.Винокурова ылар чиэскэ тигистэ. Герой Ийэ, тыыл бэтэрээнэ  Д.Н.Неустроева төрөөбүтэ 100 сылынан оҕолоро-сиэттэрэ анал стипендияларын Горбунов Яшаҕа туттардылар.

— Ыам ыйын 28 күнүгэр, күнүс 2 чаастан түөлбэлэринэн ырааһырдыыга субботник.

— Ыам ыйын 30 күнүгэр Библионочь.

— Нэһилиэнньэ баһаартан сэрэхтээх буолара ирдэнэр. Улууска 4 тыа баһаара регистрацияланна, умуруорулунна.  Дьон дьалаҕайыттан тахсарынан эппиэттээх миэрэҕэ тардыллар, хоромньуну төлүүр.