“Байаҕантай” информационнай киин

Планерка сонуннара

Муус устар 29 күнэ

Оптуорунньук

• ППМИ программатын олоххо киллэриигэ ыытыллар үлэ түмүктэннэ. Ол курдук куула ыалларын итиинэн хааччыйыыга туһуламмыт харчы хомууругар “Сайдыы” түөлбэ — 90.000 солк, “Илин” – 88.000, “ Томтор-Куула”  — 124.000, “Арҕаа”-79.000, республика араас муннуктарыгар олорор биир дойдулаахтарбыт -11.000 солк.  кыттыстылар. Тиийбэт 11.000 солк. “Баай ас” СПХК  (С.Н.Андросов) ситэрэн укта. Нэһилиэнньэттэн харчыны хомуйууга түөлбэ салайааччылара үчүгэйдик үлэлэстилэр.
• Муус устар 25 күнүгэр Республика Күнэ оскуолаҕа, нэһилиэккэ тэрээһиннээхтик ыытылынна.
• Саха автономнай сэбиэскэй социалистическай  республикатын төрүттэспит   П.А.Ойуунускай төрөөбүт дойдутугар, Чөркөөххө,  СР Правительствотын делегацията кыттыылаах Республика Күнүгэр “Баайаҕа нэһилиэгэ” МТ дьаһалтатын баһылыгын солбуйааччы Анна Афанасьевна Николаева “СР муниципальнай сулууспатын туйгуна” бэлиэни Правительство бэрэссэдээтэлин  солбуйааччы   С.В.Местниковтан тутта.
• Сифон кэмигэр холбоммутун үрдүнэн быһыты уу аллараанан хайа охсон алдьатта, күһүөрү сайын быһыкка өрөмүөн үлэтэ ыытыллыаҕа.
• Улуу Кыайыы 80 сылын көрсө Өйдөбүнньүк сквергэ өрөмүөн, саҥардыллыы, уот-күөс үлэтэ ыытылынна.
• Сааскы хаһаайыстыбаннай үлэ сүнньүнэн куһаҕан суоллары көннөрүү үлэтэ барда.

• Муус устар 27 күнүгэр Москваҕа спорт бэтэрээннэрин ортолоругар ыытыллыбыт Аан дойдутааҕы мас -рестлинг  чемпионатыгар биир дойдулаахпыт Туйаара Орлова  чемпион үрдүк  аатын  сүгэн, аан дойду таһымнаах кыһыл көмүс мэтээли төрдүс төгүлүн иилиннэ.