«Байаҕантай” информационнай киин

Планерка сонуннара

Кулун тутар 24 күнэ, бэнидиэнньик

• Кулун тутар 21 күнүгэр Олоҥхо балаҕаныгар “Пааналар дуо? дэтэн…” саҥа кинигэ биһирэмэ, Улуу Кыайыы 80 сылынан Герой Ийэ, тыыл, үлэ бэтэрээнэ Христофорова Александра Алексеевна бэйэтин, оҕолорун, сиэннэрин, хос сиэннэрин оҥоһуктарын, үлэлэрин көрдөрөр улахан быыстапка  буолан ааста. Тэрээһини М.Р.Егорова иилээн-саалаан ыытта, үгүс киһи сырытта.   Нэһилиэк төрүт уус, сис ыала Христофоровтар   туһунан Герой ийэ кэпсээнигэр олоҕуран суруллубут Виктория Алексеевна Христофорова халыҥ аймах историятыгар анаммыт төрдүс  дьоһун кинигэтин, баай ис хоһоонноох быыстапканы дьон-сэргэ сэргээтэ, үрдүктүк сыаналаата.
• Ааспыт нэдиэлэ сүрүн сонунунан кулун тутар 22-23 күннэригэр ыытыллыбыт биир дойдулаахтар түмсүүлэрэ буолла. Баайаҕа күннэригэр  “Баайаҕа өрөгөй ырыатын” сүрэхтэниитэ, спортивнай күөн күрэстэр үрдүк таһымҥа аастылар, бу туһунан сиһилии сырдатыллыа. Биир дойдулаахпыт Л.Д. Андросова эмтэниитигэр аһымал акцияҕа барыта 123.500 хомулунна.
• Улуу Кыайыы 80 сылыгар улуустааҕы көрүү – фестивальга уопсайа 203, 943 баалы ыллыбыт.
• Кулун тутар 24 күнүгэр СР предпринимательствоҕа Фондатын генеральнай    директора П.Ф.Неустроев кэлэн фонд үлэтин кэпсээтэ, көрүллэр көмөлөрү сырдатта.