«Байаҕантай» информационнай киин

Планерка сонуннара

Кулун тутар 3 күнэ, бэнидиэнньик

• Олунньу 26 күнүгэр Баайаҕа нэһилиэгин Сэбиэтин депутаттарын уочараттаах сессията историческай суолталаах  Быһаарыыны (Решение) ылынна.  Бу күн, 2025 сыл  олунньу 26 күнүгэр,  Баайаҕа нэһилиэгин  Өрөгөй ырыата  бигэргэннэ.

           Гимн автордара  биир дойдулаахтарбыт — поэт Гаврил Андросов, мелодист Станислав Луковцев.

• Кулун тутар 1 күнүгэр И.М.Хатылаев аатынан Баайаҕа орто оскуолатыгар улуустааҕы “Сыл бастыҥ кылаас салайааччыта-2025” күрэс ыытылынна. Күрэсхэ барыта 12 кылаас салайааччыта кыттыыны ылла. Күрэс түмүгэ: “Муҥутуур кыайыылаах” – Захарова Любовь Николаевна, Э.К.Пекарскай аатынан Игидэй орто оскуолата. 1 ст.лауреат — Луковцева Зоя Романовна, И.М.Хатылаев аатынан Баайаҕа орто оскуолата. 2 ст. лауреат — Осипова Вера Семеновна, Н.Д.Неустроев аатынан Уус -Таатта орто оскуолата. 3 ст. лауреат — Винокурова Наталья Мировна, Г.В.Егоров аатынан Хара Алдан орто оскуолата. 3 ст. лауреат — Павлова Клавдия Анатольевна, С.Р.Кулачиков-Эллэй аатынан Чычымах орто оскуолата. Улуустааҕы күрэс оскуола телеграм каналыгар киэҥник сырдатылынна.

• Нэһилиэк бильярдистара Игидэйгэ А.В.Кузьмин  кэриэһигэр ыытыллыбыт  турнирга кыттыыны ыллылар.   Дьокуускайтан биир дойдулаахпыт  Феликс Шамаев  кыайыылааҕынан тахсан убаһа бирииһинэн наҕараадаланна.

• Түөлбэлэр икки ардыларыгар ытыыга күрэскэ 1 миэстэни “Арҕаа” түөлбэ, 2 миэстэни “Куула-Томтор”, 3 миэстэни “Сайдыы” түөлбэ ыллылар.

• Кулун тутар 6 күнүгэр анал байыаннай дьайыыга хорсуннук сэриилэспит буойун ыччаппыт Василий Андросов кэриэһигэр  оскуолаҕа “Зарница 2.0” байыаннай-патриотическай оонньуулар ыытыллыахтара.