“Байаҕантай” информационнай киин

билиһиннэрэр

Планерка сонуннара

Олунньу 10 күнэ, бэнидиэнньик

-Ааспыт нэдиэлэ чэппиэригэр улууска футбол күрэһэ ыытылынна. Тоҕус хамаанда кыттыбытыттан Баайаҕа 2-с миэстэни ылла.  1 миэстэ — Ытык  Күөл, 3 миэстэ-Уолба нэһилиэгэ буоллулар. Нэһилиэк спортинструктора Айаал Романов иһитиннэриитинэн, Баайаҕа футболга сборнайын  Дьокуускайга Дмитрий Игнатьев тэрийэн бэлэмниир, дьарыктыыр. Никодим Христофоров “Лучший нападающий” анал аат ылла.  Төрөөбүт нэһилиэктэрин чиэһин араас сиртэн хомуллан кэлэн үрдүк таһымҥа көмүскээбит ыччаттарбытыгар-уоланнарбытыгар улахан махталбытын тиэрдэбит, үлэҕэ, үөрэххэ, олоххо ситиһиилэри баҕарабыт!

-Түөлбэнэн  волейбол күрэхтэһиилэрэ ааста. Эр дьоҥҥо: 1миэстэ- “Илин” , 2 миэстэ- “Томтор –Куула”, 3 миэстэ-“Сайдыы. Дьахталларга: 1 м.-“Сайдыы”, 2 м. –“Арҕаа”, 3 м.- “Томтор-Куула”.

— Мас тардыһыытыгар Чурапчыга  республика Манчаары оонньууларыгар сүүмэрдиир  чемпионатыгар Константин Жирков 3 миэстэни ылла. Петр Винокуров,  Михаил Попов, Константин Жирков Манчаары оонньууларыгар кыттар чиэһи ыллылар.

-Олунньу 7 күнүгэр нэһилиэк эр дьонун түмсүүтэ мунньахтаата. Сааскы халааҥҥа уу хайдах барарын-кэлэрин көрөр-истэр хамыыһыйа тэрилиннэ, картаҕа схема оҥорон хоруу оҥоһуутугар, бөҕөргөтүүгэ үлэ былааннанна. Ходуһа тула кэпсэтии буолла.  Кулун тутарга Роман Романович төрүттээбит баайаҕалар түмсүүлэригэр улахан ыҥырыылаах эр дьон  мунньаҕа буолуоҕа.

— Сарсын, олунньу 11 күнүгэр, Баайаҕатааҕы ветучаастакка “Музей в чемодане” бырайыагынан тыыл бэтэрээннэрэ Е.Н.Христофороваҕа, Н.П.Макаровка аналлаах “Кинилэр-Кыайыы уустара” быыстапка аһыллыаҕа.

-Олунньу 15-16 күннэригэр ытыктыыр баһылыкпыт, нэһилиэккэ бильярд спорда сайдарыгар үтүөлээх Р.Р.Романов кэриэһигэр улуустааҕы бильярд күрэһэ ыытыллар. Тэрийээччи А. Г. Андросов этэринэн, сүрүн бириистэр бэлэмнэр, тэрилтэлэр анал биһирэбил бириистэргэ күүс-көмө буолалларыгар ыҥырда.

— Бүгүн 3 чаастан СР Правительствотын отчуотугар туруорсар этиилэр торумнаннылар.