“Байаҕантай” информационнай киин иһитиннэрэр
Планерка сонуннара
Олунньу 3 күнэ, бэнидиэнньик
-Олунньу 30 күнүгэр ыытыллыбыт нэһилиэк тыатын хаһаайыстыбатын үлэһиттэрин уопсай мунньаҕар сүрүн дьүүллэһии субсидия тула барда. Быйылгыттан тыа хаһаайыстыбатыгар бэриллэр субсидия улуус көрүүтүгэр (полномочиятыгар) бэриллэринэн, үүккэ уонна сүөһү төбөтүгэр ананар харчыны нэһилиэк иһинэн быһаарсыы буолла. Мунньахха нэһилиэккэ “Байым” (И.И.Слепцов), “Баай ас” (С.Н.Андросов) — тыа хаһаайыстыбатын тэрээһиннээх хаһаайыстыбалаах, үүтү туттарар, астыыр собуоттаах буоламмыт, дьон үүт туттаран дохуот аахсыытыгар интириэстээҕэ, Баайаҕаҕа сүөһү төбөтүгэр харчыга наадыйааччылар аҕыйахтара бэлиэтэннэ. Үүтү туттарыыга субсидияны ГСМ сыаната үрдээбитинэн 100 солк. дылы улааатыннарыыны, сүөһү төбөтүгэр 39000 солк. сөптөөҕүнэн аахтылар. Нэһилиэккэ ынах-сүөһү ахсаана 1109, ыанар ынах — 418, 74 ыал сүөһүлээх, олортон 49 ыал хотонноох.
— Улуу Кыайыы 80 сылыгар ананан тыыл бэтэрээнэ И.К.Андросова тигэн хаалларбыт ииһинэн тэриллибит быыстапка “Мандар Уус” түмэл Олоҥхо балаҕаныгар олус истиҥ-иһирэх быһыыга-майгыга ыытылланна, үгүс киһини түмтэ, Иустиния Константиновна төрөппүт оҕолоро кэлэн кыттыыны ыллылар.
— Улуу Кыайыы сылын арыйыы олунньу 1 күнүгэр тэрээһиннээхтик үрдүк таһымҥа ааста.
— СР үбүн министерствотын бэрэбиэркэтэ нэһилиэккэ тыа хаһаайыстыбатын субсидиятын ылбыт хаһаайыстыбаларга үлэлээн барда.
— Олунньу 7-8 күннэригэр волейболга түөлбэнэн күрэхтэһиилэр ыытыллыахтара.
— Олунньу 6 күнүгэр улууска футбол күрэһэ ыытыллар, Баайаҕа хамаандатыгар Дьокуускай куоракка олорор биир дойдулаахтарбыт киирсэн күрэхтэһиэхтэрэ.
Маны таһынан ый устата, кулун тутарга былааннанар тэрээһиннэри, улуус фестивалын программатын билиһиннэрдилэр.