1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
190 просмотров

«Байаҕантай» информационнай киин

“Байаҕантай” информационнай киин

иһитиннэрэр

Планерка сонуннара

Тохсунньу 28 күнэ, оптуорунньук

Тохсунньу 20 күнүгэр нэһилиэк дьаһалтатын,  тохсунньу 24 күнүгэр  Таатта улууһун баһылыгын отчуота буолан ааста. Улуус дьаһалтатын отчуотун туһунан «Баайаҕа нэһилиэгэ» МТ дьаһалтатын баһылыгын солбуйааччы А.А.Николаева информациятын билиһиннэрэбит:

-Баайаҕаҕа олохтоох нэһилиэнньэттэн 57 киһи сырытта. Олохтоохтор айан суолун салгыы тутуу, республика бас билиитигэр биэрии боппуруостарын, саҥа балыыһа, специалистарга олорор дьиэ, саҥа быһыт, почта дьиэтин тутууларын туруорустулар. Маны тэҥэ оскуола капитальнай  өрөмүөнэ, уһуйаан кырыыһатыгар өрөмүөн үлэтэ, оскуолаҕа нуучча тылын, информатика, физика учууталлара наадалара, «Мандар кыһата» лааҕыр үлэлиэн наадата этилиннэ. Мөҥүрүөн эргин баар сайылыктар уоттарын өрөмүөннээһин, тыа хаһаайыстыбатыгар саҥа механизмнары олохтоохтук толкуйдаан ыччаты тыа сиригэр сыһыарыы үлэтэ барыахтааҕа ыйылынна. Улууска үгүс үлэ бара турарын бэлиэтээн туран, Баайаҕа олохтоохторо сыллааҕы үлэни үчүгэйинэн  сыаналаатылар.

Улууска Улуу Кыайыы Знамятын көрсүһүүгэ  нэһилиэктэн делегация кыттыыны ылла.

Ытык Күөлгэ хабылык, хаамыска күрэһэр нэһилиэк хамаандата 6 миэстэни ылла, хас сэрэдэ ахсын сахалыы остуол оонньууларыгар дьарык буолуоҕа.

“Тускун” култуура киинэ уонна  практикаҕа кэлбит  култуура колледжын студена  Альберт Ушницкай  хаартысканан түһэриигэ, видео оҥорууга маастар-кылаас ыыттылар.

“Мандар Уус” этнологическай музейга СВО кыттыылаахтарыгар аналлаах экспозиция аһылынна,  уоппускаҕа кэлэ сылдьар А. Н. Колосовы кытта көрсүһүү буолан ааста.

Оскуола оҕолоругар Ленинград блокадатыгар аналлаах тэрээһиннэр ыытыллаллар.

Тохсунньу 30 күнүгэр  Улуу Кыайыы  80 сылын көрсө тыыл уонна үлэ бэтэрээнэ, уран тарбахтаах иистэнньэҥ  И.К.Андросова быыстапката (“Мандар Уус” түмэл), тыа хаһаайыстыбатыгар аналлаах нэһилиэк олохтоохторун мунньаҕа, олунньу 1 күнүгэр  Улуу Кыайыы  80 сылын туолар 2025 сыл — Аҕа дойдуну көмүскээччилэр  сылларын үөрүүлээх аһыллыыта былааннанар.

 

 

Добавить комментарий

Ваш адрес email не будет опубликован. Обязательные поля помечены *