1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
135 просмотров

«Баайаҕа нэһилиэгэ» МТ дьаһалтатын отчуота

“Баайаҕа нэһилиэгэ” МТ дьаһалтата 2024 сыллаах үлэтин отчуота

 

Тохсунньу 20 күнүгэр нэһилиэккэ “Баайаҕа нэһилиэгэ” МТ тэриллии дьаһалтатын отчуотугар   баһылык А.Р.Романов, баһылык солбуйааччыта А.А.Николаева ыытыллыбыт үлэни билиһиннэрдилэр.

Нэһилиэнньэ демографическай балаһыанньатыттан саҕалаан, социальнай – экономическай, тыа хаһаайыстыбатын, спорт, культурнай-духуобунай сайдыыга ыытыллыбыт үлэ хаамыытын сиһилии кэпсээтилэр.

Онтон сорох түгэнигэр тохтоотоххо:

  Олохтоох инициативаны өйөөһүн программатыгар кыттан, уопсай куоластааһын түмүгүнэн ыһыахтыыр сири саҥардан оҥоруу (“Обустройство территории проведения национальных обрядов”) бырайыага кыайан, ыһыах түһүлгэтигэр түөлбэлэргэ 4 ураһа, саха балаҕана, сцена, киирии арка оҥоһулунна. Биир дойдулаахпыт  Ю.В. Яроев оҥорбут  бырайыагынан олус тупсаҕай көстүүлээх, хаачыстыбалаах тутуу ыытылынна.

Томтор үрдүн чөлүгэр түһэрии, уулусса уотун саҥардыы, дэриэбинэ иһинээҕи суолга, свалкаҕа  уо.д.а хаһаайыстыбаннай үлэлэр былаан быһыытынан ыытылыннылар. Нэһилиэнньэ олоҕун тупсарыыга үрэх  нөҥүө олорор куула ыалларыгар ООО “ЖКХ-Альтернатива” чааһынай тэрилтэ (салайааччы Николаев Иннокентий Николаевич) котельнай тутуутун саҕалаата.

МПЧ №6 саҥа гараж дьиэтэ тутуллан үлэҕэ киирдэ.  Материалын СР баһаары утары сулууспа хааччыйбыта, мас бэлэмнээһинин, тутуутун олохтоох баһаарынай чаас үлэһиттэрэ, материалынан көмөнү Таатта улууһун уонна Баайаҕа нэһилиэгин дьаһалталара оҥордулар.

“Бороҕон — Танда — Баайаҕа — Ытык-Күөл” проегынан “Томтор-Ытык-Күөл” муниципальнай суолбутун республиканскай суолталаах суоллар ахсааннарыгар киллэттэриигэ докумуон үлэтэ ыытыллар. Билиҥҥи туругунан Баайаҕа-Танда икки ардыларынааҕы сир учаастагын докумуонун үлэтэ ыытыллар, Баайаҕа-арахсыы суолун докумуона туттарыллыбыт. СР транспорт министрин 1 солбуйааччы Потапов А.К. делегациянан кэлэн суол туругун көрөн-истэн, былааннаан барбыт. Ол түмүгэр заправка таһынан оҥоһуллан эрэр суолга үрэҕи туоруур САРМ тимир муоста (32,6 п.м. усталаах) бэрилиннэ, монтажтааһынын улуус үбүлүөхтээх.

“Тускун”  культура киинин сүнньүнэн “Синема-центр” республика үрдүнэн 40 кинозал арыллыбытыгар хапсан, “Томтор” киинэ саалата арылынна. Киинэ көрдөрөр проекторынан “Синема-центр” хааччыйда, нэһилиэк бюджетыттан  утары үбүлээһин оҥоһуллан, экран, оборудование ылылынна.

Нэһилиэнньэҕэ бэйэ дьыалатын соцконрагынан арыныыга, тыа хаһаайыстыбатын гранынан, акылааты уларытыы программатынан туһаныыга  өйөбүл оҥоһулунна.

  Нэһилиэк олохтоохторо баһылык отчуотун сэҥээрэн дьүүллэстилэр, ыытыллыбыт үлэни сөптөөҕүнэн сыаналаатылар. Бу күн нэһилиэк тэрилтэлэрэ бука бары 2024 с. үлэлэригэр иһитиннэрии оҥордулар.

Добавить комментарий

Ваш адрес email не будет опубликован. Обязательные поля помечены *