Россияҕа Дьиэ кэргэн, Саха республикатыгар  Оҕо саас, Таатта  улууһугар Таптал, Эрэл, Итэҕэл сылларын түмүктүүр

Поэт Гаврил Андросов “Аҕа ырыата” хоһоонугар

республикатааҕы ырыа айааччылар күрэстэрэ

Күрэс торума

Тэрийээччилэр: Таатта улууһун Баайаҕа нэһилиэгин М.Н.Хатылаева аатынан Баайаҕа модельнай библиотекатын “Көмүлүөк күлүмэ” литературнай түмсүүтэ. Баайаҕа нэһилиэгин “Тускун” култуура киинэ

Сыала: Саха поэзиятыгар болҕомтону тардыы, уус-уран литература, дьүрүскэн көмөтүнэн иллээх ыалы, тапталы туойар саҥа айымньыны үөскэтии, айар талааннары булуу, өйөөһүн.

Күрэс кыттыылаахтара: Сааһынан хааччаҕа суох саха ырыатын айааччылар

Ирдэбилэ:

1. Кыттааччы аудио эбэтэр видео форматынан ырыаны устан тэрийээччилэргэ тиксэрэр.
2. Нотатын ыытар.
3. Сайаапка тутула:
   • Кыттааччы аата-суола
   • Олорор сирэ
   • Үлэтэ, дьарыга
   • Электроннай аадырыһа, телефона

 Күрэс ыытыллар болдьоҕо:   2024 с., олунньу 16 к.- 2025 с. , олунньу  20 күнэ.  

 Түмүк: Дьүүллүүр сүбэ быһаарыытынан биир айымньы кыайыылаах тахсар. Кыттааччыларга барыларыгар туоһу сурук туттарыллар. Кыайыылаах 30.000 солк. бирииһинэн наҕараадаланар.

Кыттаачы айымньытын  bajagalib@yandex.ru  аадырыска ыытар

Билсэр телефон: 89245913918 Кустурова Александра Николаева 89244607233 Апросимов Дмитрий Дмитриевич

Сыһыарыы:

                                                                      Аҕа ырыата                                                       

Гаврил Андросов

Кып-кыра, кэп-кэрэ таҥарам-

Мин оҕом чыычаахтыы саҥарар!

Сып-сырдык күн курдук мичийэн

Сүрэхпэр дьол тылын бичийэр.

Мап-мааны мап-маҥан туллугум

Чээ чэчик кэриэтэ тыллаҕын,

Дьэп-дьэҥкир сиик курдук ырааскын-

Эһэлээх эбэҕэр бырааскын!

Күп-күндү, көп-көмүс кылаатым

Дьэдьэнчээн иэдэһин сыллатар,

Киэҥ далай сүүтүкчээн сүрэҕэр

Аан дайдым үтүөтэ түмүллэр…

Мэп-мэник, сып кырдык кулунчук-

Мэммээтин уобалыыр хотунчук,

Тап-талба тапталым ымыыта-

Ийэккэҥ курдуккун,быһыыта…