1 Звезда2 Звезды3 Звезды4 Звезды5 Звезд (Пока оценок нет)
Загрузка...
245 просмотров

Хоһоон конкурсун түмүгэ

Айар куттаах Герой Ийэ М.П.Слепцова төрөөбүтэ 90 сылыгар аналлаах республикатааҕы хоһоон куонкурсун түмүгэ.

         Уон икки оҕоҕо күн сирин сырдыгын бэлэхтээбит Баайаҕа нэһилиэгин Герой Ийэтэ, тыыл, үлэ бэтэрээнэ Мария Петровна Слепцова төрөөбүтэ 90 сыла   дойдубутугар Дьиэ кэргэн, республикаҕа Оҕо саас, Таатта улууһугар Таптал, Эрэл, Итэҕэл сылларыгар түбэспитэ анаабыт курдук кэрэхсэбиллээх. Суостаах сэрии содулуттан биир кылаас үөрэҕэ суох хаалбыт, ол эрэн баҕатын күүһүнэн ааҕар, суруйар буолбут  айар талааннаах  күн күбэй ийэ олоҕу, тапталы, айылҕаны туойбут лириката тупсаҕай чочуллуулаах,  аахпыт эрэ киһини долгутар истиҥ иэйиилээх.

Нэһилиэк литературнай  түмсүүтүгэр айымньылаахтык кыттыспыт,  түөлбэбит  кырачааннарын ийэлии бүөбэйдээн үлэлээбит  “Ньургуһун” оҕо саадын  Өрөгөй ырыатын ааптара,  Герой Ийэ М.П.Слепцова  үбүлүөйдээх сылыгар “Көмүлүөк күлүмэ” литературнай түмсүү ыыппыт хоһоон айыытын күрэһэр  18 хоһоонньут Дьокуускайтан,  Бүлүүттэн, Мэҥэ Хаҥаластан уонна Таатта нэһилиэктэриттэн  кыттыыны ыллылар.

  Дьүүллүүр сүбэҕэ поэт, тылбаасчыт, публицист Владимир Семенович Андросов, литературнай критик, тылбаасчыт Ольга Николаевна Макарова, саха тылын уонна литературатын учуутала Саргылана Васильевна Жиркова үлэлээтилэр.

Куонкурус түмүгэ:

1 миэстэ – Татыйык Мыла, Мэҥэ — Хаҥалас.

2 миэстэ — Костя Харлампьев, Бүлүү.

3 миэстэ – Дабайаана, Таатта.

Биһирэбил — Дмитрий Протопопов, Таатта.

Биһирэбил — Октябрина Дедюкина (Герой Ийэ М.П.Слепцова кыыһа)

“Аҕа саастаах хоһоонньут”  Анал аат  — Анна Ефремовна Дедюкина

Герой Ийэҕэ аналлаах хоһоон айыытын күрэһин өйөөн бириистэри туруорбут  М.П.Слепцова оҕолоругар-сиэннэригэр, нэһилиэк дьаһалтатыгар уонна “Тускун” сынньалаҥ кииҥҥэ барҕа махталбытын тиэрдэбит!

Бары кыттыбыт дьоммутугар  тыл күүһүнэн олоҕу тутар айымньылаах үлэҕитигэр үрдүктэн-үрдүк  ситиһиилэри, дириҥ,истиҥ иэйииилэри, сэҥээрэр-кэрэхсиир ааҕааччылары, бары үтүөнү баҕарабыт!

 М.Н.Хатылаева аатынан Баайаҕа модельнай библиотекатын

“Көмүлүөк күлүмэ” литературнай түмсүүтэ.

Кулун тутар, 2024 сыл.

Добавить комментарий

Ваш адрес email не будет опубликован. Обязательные поля помечены *