“ Сайын, кинигэ уонна мин» ааҕыы лааҕыра 2009 сылтан үлэлиир. Пандемия кэмигэр икки сыл тохтуу сылдьыбыта. Быйыл бэс ыйын 5 — 16 күннэригэр ааҕыы лааҕырын бастакы сезонугар маҥнайгы, иккис кылааһы бүтэрбиттэр сырыттылар. Араас ньымаларынан ааҕар дьоҕурдарын сайыннарыыга кыһамньылаахтык дьарыктаммыт оҕолор мүнүүтэҕэ 20 — 35 тылынан элбэҕи ааҕары ситистилэр. Сорудахтаах карточкалары толорон аахпыты өйдүүр, толкуйдуур, суруйар дьоҕурдарын сайыннарыыга үлэлэстилэр. 10 күн устата тулуурдаахтык уонна тэтимнээхтик дьарыктанан оҕолор сайыҥҥы каникулларын туһалаахтык саҕалаатылар. Маны тэҥэ норуот уус-уран оҥоһуктарын маастара Яроева Тамара Захаровналыын таптыыр чугас дьонноругар кыраһыабай бэлэх открыткалары оҥорон үөрдүлэр-көттүлэр.

Күндү оҕолорбут күөх сайыҥҥа дуоһуйа сынньанан, лааҕырга үөрэммит ааҕыы сатабылларынан бырахпакка дьарыктанан, күһүн оскуолаҕа өссө үчүгэй бэлэмнээх киирэллэригэр баҕарабыт!