1 Звезда2 Звезды3 Звезды4 Звезды5 Звезд (Пока оценок нет)
Загрузка...
324 просмотров

Тохсунньу  5 күнүгэр Баайаҕа  нэһилиэгэр  “Аҕа уонна кыыс” диэн 2020 сыллаахха тахсыбыт  кинигэ тула сэһэргэһии түһүлгэтэ  буолан ааста.  Аҕа дойдуну көмүскүүр Улуу сэрии кэмигэр дойдутун күөнүнэн көмүскээбит Аҕа уонна кини кыайыылаах көлүөнэтэ турууласпыт, туппут эйэлээх олоҕор улааппыт  Кыыс-оҕо туһунан уруккуну  ахтыһар, бүгүҥҥүнү бэлиэтиир уонна кэлэр кэми ситимниир тэрээһин олус истиҥник  ааста. 

         Аҕа — Гаврил Андреевич Неустроев — саха театральнай, музыкальнай искусствотын саҕаҕар турбут талааннаах артыыс, ырыаһыт, музыкант, мелодист,  фотограф,  кыыс — саха оҕотун талаанын алмаас таастыы күлүмүрдэтэ, чаҕылыта оонньоппут, “Ньургуһун” оҕо-үҥкүү образцовай  ансаамбылын тэрийэн үрдүккэ көтүппүт, аар саарга аатырдыбыт Саха Республикатын культуратын үтүөлээх үлэһитэ Людмила Гаврильевна Неустроева Искусство Кэрэ эйгэтигэр айан-тутан ааспыт олохторо,  культура сайдыытыгар киллэрбит кылааттара  бу күн “Аҕа уонна кыыс” кинигэнэн сүрүннэнэн, ыраахтан-чугастан тиийэн кэлэн уонна куйаар нөҥүө  кыттыспыт  аймахтарын, үөлээннэхтэрин, дьүөгэлэрин, биир идэлээхтэрин, уһуйбут ыччаттарын, төрөппүттэр уонна нэһилиэк литературнай түмсүүтүн кыттыылаахтарын   көмөлөрүнэн толору сырдатылынна, сырдык ааттара махталынан, тапталынан, умнуллубат  үтүө  өйдөбүлүнэн дьон-сэргэ сүрэҕэр  өссө төгүл  уйаланна.   

         Кинигэни хомуйан оҥорооччулар: кыраайы үөрэтээччилэр Татьяна Игнатьевна Андросова,  Маргарита Романовна  Егорова   сыралаах үлэлэрэ сыаналанан, дьон-сэргэ улахан   биһирэбилин  ылла. 

         Тэрийээччилэр ааттарыттан Гаврил  Неустроев ырыаларын   анаан  бэлэмнэммит —  “Айхаллан, үлэ!” ырыаны хас да куолаһынан кэрэтик  ыллаабыт СР культуратын үтүөлээх үлэһитэ Марита Потапова “Аламай” вокальнай ансаамбылыгар  уонна  “Отчуттар ырыаларын”  акапельно толорбут Фекла Тимофееваҕа,  Арина Хароваҕа;  Людмила Неустроева мелодиятыгар “Ньургуһун барахсан” ырыаны  Баайаҕаҕа  сүрэхтээбит     Лариса Каратаеваҕа, Венера Гоголеваҕа;  уус-уран самодеятельность бэтэрээнэ Иосиф Чариҥҥа;  “Төрүт дорҕоон” сахалыы музыкальнай  инструменнар бөлөхтөрүгэр; биир дойдулаахтарыгар ырыа бэлэхтээбит  Людмила Гаврильевна уола Евгений Неустроевка, Марита Потапова”Кырдьыбат вальс” ырыатын үҥкүүнэн киэргэппит  Сардаана Мяринаҕа уонна Дмитрий Апросимовка;  кырыымпаҕа сахалыы матыыптары дьиктитик оонньоон иһитиннэрбит  Кирилл Тимофеевка; “Өрөгөй үҥкүүтүн” толорбут  И.Д.Христофоров аатынан Баайаҕа Оҕо Искусствотын  оскуолатын үҥкүү ансаамбылыгар (салайааччы С.Мярина)  тэрээһин үрдүк таһымнаахтык ааһарыгар улахан көмөҕүт, кыһамньыгыт  иһин барҕа махталбытын тиэрдэбит.  

     

 

 

 

Добавить комментарий

Ваш адрес email не будет опубликован. Обязательные поля помечены *