1 Звезда2 Звезды3 Звезды4 Звезды5 Звезд (1 оценок, среднее: 5,00 из 5)
Загрузка...
532 просмотров

2023 сыл — Саха Республикатыгар Үлэ сыла. «Үлэнэн дьолломмут норуоппут»

Баайаҕа . Таатта улууһа /хомуйан оҥодулар: Е.Д.Андросов, Т.И.Андросова, П.А.Андросов. – Дьокуускай : Бичик, 2003. – 552 с.

Иһинээҕиттэн :  IV. Олоххо уһаарыллыы үрдүк өрөгөйө. – С.165-223.

Нэһилиэк историятын сырдатар “Баайаҕа”  кинигэ “Олоххо уһаарыллыы үрдүк өрөгөйө” түһүмэҕэр сэрии кэннэ олоҕу чөлүгэр түһэрии кэмигэр колхоз, совхоз, агрофирма туруу үлэһиттэрин, производство салайааччыларын туһунан 30 ыстатыйа киирбит.

“Буденнай” холкуос историятыттан / хомуйан оҥордулар : А.Д.Тимофеева, М.Р.Егорова, А.Тимофеева. – Дьокуускай : Бичик, 2010 .- 160 с.

Кинигэҕэ тыа сирин үлэһит дьоно, көҥүл олох кэлэн, олох сайдар тэтиминэн инники сардаҥалаах аартыкка киирбитин, үрэхтэринэн, алаастарынан бытанан олорор ыаллар ТСОЗ-тарга , артыалларга түмсүбүттэрин, үлэ-хамнас кыайыылаах-хотуулаах буолбутун туһунан судургу, өйдөнүмтүө тылынан суруллар. “Буденнай холкуос сайдан кэлбит кэрдиис кэмнэрэ, кини үлэһит дьоно, сэрии сылларын кыһалҕалаах күннэрэ сырдатыллар.

Байаҕыыныскай нэһилиэк. “Саҥа олох” холкуос / хомуйан оҥордулар : М.Р.Егорова, А.Д.Тимофеева. – Дьокуускай : РИО медиахолдинга , 2016 . – 296 с.

Кинигэҕэ 1913 сыллааҕы Байаҕыыныскай нэһилиэк уонна 1947 сыллаахха тэриллибит “Кыттыгас Баайаҕа” артыалтан төрүттэммит “Саҥа олох” холкуос устуоруйата, үлэтэ-хамнаһа, туруу үлэһит дьоно сырдатыллар. Үгүс архыып матырыйааллара, ахтыылар киирбиттэр.

Стаханов аатынан холкуос /хомуйан оҥордулар : М.Р.Егорова, А.Д.Тимофеева. – Дьокуускай : Медиа-холдинг “Якутия”, 2021. – 576 с.

Кинигэҕэ Баайаҕа — Игидэй нэһилиэгин киинигэр Өктөөбүрүскэй социалистическай өрөбөлүүссүйэ аҕалбыт көҥүл олоҕун кыайыылара олоххо киириилэрэ, Томтор тула олорбут ыаллар ТСОЗ-тарга, артыалларга түмсүүлэрэ, Стаханов аатынан холкуоһу тэрийиилэрэ, бөдөҥсүйүү сыллара кэпсэнэр. Аҕа дойду улуу сэриитигэр, тыылга кыайыыны уһансыбыттар, холкуоһунай тутуу салайааччыларын, маяктарын, үлэһит дьонун туһунан архыыптар, олохтоох мусуой матырыйаалларыгар олоҕуран сырдатар.

Петр Алексеев аатынан совхоз Баайаҕатааҕы отделенията: фотоальбом / бэлэмнээтилэр: А.И.Бурнашева [уо.д.а.] ; М.Потапов хаартыскалара. – Баайаҕа, 2017. – 62 с.:ил.

Фотоальбом П.Алексеев аатынан совхоз тэриллибитэ 50 сылыгар тахсыбыт. Совхозка, отделениеҕа араас кэмҥэ үлэлээбит салайааччылар, тыа хаһаайыстыбатын специалистара, үрүҥ илгэни дэлэппит  ыанньыксыттар, сылгыһыттар, кадровай булчуттар, хонуу, тутуу үлэһиттэрэ, тимир көлө тиһигин туппут туруу үлэһит дьоммут  бука бары хаартысканан кэпсэнэр альбомҥа киирэннэр үйэтитиллибиттэр.

Аҕабыт сырдык аата / хомуйан оҥордулар : З.С.Луковцева, М.Р.Егорова, И.Е.Луковцева. – Дьокуускай : Кытыл, 2017. – 208 с.

 

Таатта улууһун П.Алексеев аатынан совхоз биир бөдөҥ Баайаҕа отделениетыгар управляющайынан, нэһилиэк баһылыгынан үлэлээбит Саха республикатын норуотун хаһаайыстыбатын үтүөлээх үлэһитэ, “Баһаарга хорсунун иһин” мэтээл хаһаайына, ССРС уонна Саха республикатын бааһынайдарын Сойууһун  съеһин делегата Луковцев Егор Иннокентьевич олоҕо, таһаарыылаах үлэтэ кэпсэнэр.

“Кинигэ биир уратытынан Егор Иннокентьевич олоҕун анаабыт, үлэлээбит, салайбыт тыа хаһаайыстыбатын эйгэтэ, отделениетын үлэтэ-хамнаһа, нэһилиэгин кыһалҕата уонна ситиһиитэ, кини үлэһит дьоно-сэргэтэ тэҥҥэ тутуллан киирэн , кинини киһи, салайааччы быһыытынан үүнүүтүн, ситиитин-хотуутун киэҥник , дьоһуннаахтык сырдатар”,- диэн суруйар кинигэни хомуйан оҥорооччу М.Р.Егорова.

Барыбыт туһугар- Баайаҕабыт туһугар! Петр Петрович Винокуров- Саллаат /хомуйан оҥордулар: П.П.Егорова, Л.Н.Тимофеева, П.С.Владимирова. – Дьокуускай : Дани- Алмас, 2021. – 176 с.

Кинигэҕэ Саха республикатын норуотун хаһаайыстыбатын үтүөлээх үлэһитэ , “Үлэҕэ кибиэнин иһин” , “В.И.Ленин 100 сааһыгар” үбүлүөйүнэй мэтээллэр кавалердара П.П. Винокуров- Саллаат олоҕун, үлэтин туһунан суруйуулар, кини бэйэтин дневнигиттэн бэлиэтээһиннэрэ, доҕотторун, бииргэ үлэлээбит дьонун, аймахтарын, үөлээннээхтэрин ахтыылара киирбиттэр.

“Сэрии ыар сылларын тулуйан, колхозтар тэриллиилэрин, бөдөҥсүйүүлэрин, совхоз тэриллиитин түбүгүн өйүн-санаатын нөҥүө аһаран, быһаччы кыттан, үлэни эрэ өрө тутан , дьон туһа, колхоз, совхоз иннэ диэн күүһүн харыстаабакка көмүс көлөһүнүн тохпут , сыраласпыт күннэрин, олорбут дьоһун олоҕун, оҥорбут үтүөтүн-өҥөтүн, сырдык аатын үйэтитэр санааттан кинигэ таһаардыбыт”,- диэн суруйар кыыһа П.П.Петрова Киирии тылыгар.

Аҕабыт туһунан кэпсиибит /хомуйан оҥордо: Л.Д.Тимофеева. – Ытык –Күөл: “Таатта” хаһыат редакцията, 2008.- 36 с.

Москваҕа  Бүтүн сойуустааҕы Тыа хаһаайыстыбатын быыстапкатыгар  сылдьар чиэһи сүкпүт холкуос бастыҥ биригэдьиирэ, номоххо киирбит  кадровай булчут, рекордсмен-марафонец Дмитрий Ефремович Дедюкин олоҕун, үлэтин кэпсиир  кинигэҕэ, билигин да сүһүөҕүн үрдүгэр хоһууннук сылдьар нэһилиэк ытык кырдьаҕаһын туһунан оҕолорун, үөлээннээхтэрин, аймахтарын ахтыылара киирбиттэр.