Ахсынньы 25 күнүгэр П.А.Ойуунускай аатынан литература музейыгар Россия суруйааччыларын Сойууһугар киирбит айар дьоҥҥо суруйааччы билиэтин туттардылар.

Биир дойдулаахпыт, РФ уопсай үөрэхтээһинин бочуоттаах үлэһитэ, СР култууратын туйгуна, Таатта улууһун, Баайаҕа нэһилиэгин бочуоттаах олохтооҕо, литературнай критик Ольга Николаевна Макарова улуу нуучча суруйааччыта Максим Горькай төрүттээбит, сүгүрүйэр улуу убайбыт Ойуунускай салайбыт албан ааттаах Сойууһугар киирэн, Саха сирин суруйааччыларын Сойууһун бэрэссэдээтэлэ Гаврил Андросов илиититтэн суруйааччы билиэтин тутта,  төрөөбүт-үөскээбит дойдутун — кырдьаҕас Баайаҕа Томторун ытык  аатын үрдэттэ!

         Ольга Николаевна библиотека “Көмүлүөк күлүмэ”  литературнай түмсүүтүгэр ырытааччы быһыытынан аан бастаан түөлбэтин, улууһун айар дьонун  сырдаппыта, айымньыларын сыаналаан талааннаах дьоммутун өйөөбүтэ, суруйааччы буолан тахсалларыгар олук уурбута. Уһун сыллаах сыралаах үлэ түмүгэр республикаҕа биллэр-көстөр литературнай критик, “Чолбон” сурунаал бастакы редактора Алампа  Бирииһин икки төгүллээх, В.Н.Протодьяконов аатынан сабыылаах литературнай критика кыайыылааҕа,  “Айымньы күлүүһүн арыйдахха” дьоһун кинигэ автора. Маныаха барытыгар Ольга Николаевна  дириҥ далай билиитэ-көрүүтэ, тылы, уус-уран литератураны сүгүрүйэ таптыыра,  хорутуулаах үлэһит майгыта бигэ тирэх буолаллар. Кини  ийэ тыл сүмэтин илдьэ сылдьааччы, тус суоллаах, бөлүһүөк көрүүлээх айар үлэһит.   Духуобунас академиятын академига Б.Ф.Неустроев — Мандар Уус кыната буолан,  академическай үлэлэрин тылбаастаан, үөрэҕин тарҕатан,  көһөҥө көмүс талаан  киэҥ эйгэҕэ тахсарыгар, атын тыллаах ааҕааччыга тиийэригэр көмөлөспүтэ умнуллубат.

         Сойууска быйыл 7 киһи киирдэ. Кинилэртэн үһэ Таатта дьоно буолара кэрэхсэбиллээх, үгүс санааны үөскэтэр.  Саҥа үүммүт суруйааччыларга саха народнай суруйааччылара Наталья Харлампьева, Николай Лугинов, Сэмэн Тумат, Е.Слепцова-Куорсуннаах  суруйааччы буолуу эппиэтинэһин,  аналын туһунан дириҥ ис хоһоонноох көрүүлэрин туһаайдылар, алгыстарын анаатылар.

 Тэрээһини салайан ыыппыт народнай поэт Наталья Харлампьева бу күннэргэ куйаар ситимигэр суруйааччы кэккэтигэр киирбит саҥа бөлөх туһунан бэйэтин санаатын киэҥник сырдатта. Онтон биһиги Наталья Ивановна суруйааччы Аналын туһунан санаатын уонна Тааттаттан тахсыбыт суруйааччыларбыт туһунан этиилэрин билиһиннэрэбит.

“…На днях состоялось мероприятие, которое греет мою душу-мы вручили билеты новым членам Союза писателей России. Они проходят серьезное сито — приемную комиссию и правления Союза писателей Якутии, затем общее собрание с тайным голосованием и только после этого документы уходят в приемную комиссию СП России.

…Остаются в нашей литературной среде те, кто принимает служение Литературе, понимают свою ответственность перед читателем, свою миссию. Служение Литературе предполагает понимание истории якутской литературы, традиций, которые заложили наши классики и желание  следовать этому, внося в эту живую ткань современные проблемы и темпы.

         Прозаик Валерий Андросов работает в службе МЧС, состоявшийся человек, очень талантливо  пишет об охоте, о природе и это не просто описание, это философия северного человека, связанная с его нравственными принципами.

Утум Захаров — молодой драматург, но его две работы идут успешно на сцене Саха театра. Это вдумчивый человек, который умеет работать в архивах, соотнести это с действительностью — его спектакль “Путь к царю” о Маһары, который еще в 17 веке встретился с русским царем свидетельствует об этом…

Ольга Макарова — сельский учитель, признанный в своем деле, но при этом она в последние годы состоялась как литературный критик, а таковых у нас почти нет. Ее рецензии часто появляются в журнале “Чолбон” и вызывают интерес у читателей.

За годы работы председателем Союза писателей Якутии, через мои руки, образно выражаясь, прошла почти половина писателей, состоящих у нас на учете. Сомнение в том, что “новобранцы” всегда будут служить Литературе, будут верны писательскому сообществу, истории литературы, традициям классиков, чувствовать плечо товарища по творческим делам и ответственность перед читателем, все же иногда у меня возникало… В этот раз я надеюсь, что у всех этих вновь принятых писателей впереди большое литературное будущее.”

Ытыктабыллаах Ольга Николаевнаны уһун сыллаах сыралаах үлэҕинэн Суруйааччы үрдүк аатын сүкпүккүнэн ис сүрэхпититтэн эҕэрдэлиибит, Эйигинэн киэн туттабыт! Эн төрөөбүт-үөскээбит нэһилиэккиттэн харыс халбарыйбакка, биһигини ортобутуттан маннык чыпчаалга тахсыбытыҥ үс бүк үөрүүлээх!

Төрөөбүт ийэ тылбыт,  саха уус-уран  литературата сайдыытыгар  үрдүктэн үрдүккэ талаһан, чыпчаалтан чыпчаалга тардыһан  арыллыбыт саҥа  Аартыгыҥ Алгыстаах буоллун! Эйиэхэ тус бэйэҕэр, дьиэ кэргэҥҥэр доруобуйаны, үлэҕэ, үөрэххэ ситиһиилэри, дьолу-соргуну баҕарабыт!